ກອງທັບເຮືອ ອິນໂດເນເຊຍ ມີແຜນເພີ່ມເຮືອລໍາລຽງພົນຂຶ້ນບົກໃໝ່
ພົນເຮືອເອກ ມູຮາໝັດ ອາລີ ເສນາທິການ ກອງທັບເຮືອອິນໂດເນເຊຍ ໄດ້ເປີດເຜີຍແຜນການເສີມກຳລັງກອງບັນຊາການລໍາລຽງທາງທະເລ
ໂດຍການເພີ່ມອູ່ເຮືອລຳລຽງພົນສະເທືອນນ້ຳສະເທືອນບົກ LPD ແລະ ເຮືອຍົກພົນຂຶ້ນບົກ LST ເຂົ້າປະຈໍາການໃໝ່. ການປະກາດນີ້ມີຂຶ້ນລະ
ຫວ່າງການສະເຫຼີມສະຫຼອງຄົບຮອບ 63 ປີ. ການຂະຫຍາຍກອງເຮືອ ໂກລິນລາມິນ ເປັນສ່ວນໜຶ່ງຂອງແຜນຍຸດທະສາດຂອງ ກອງທັບເຮືອອິນ
ໂດເນເຊຍ ສຳລັບປີ 2025 - 2029 ແລະ ແນວທາງການພັດທະນາກຳລັງທະຫານສຳລັບປີ 2025 - 2044. ການເພີ່ມເຮືອ LPD ແລະ LST
ມີເປົ້າໝາຍ ເພື່ອເສີມກຳລັງກອງທັບເຮືອ ໂກລິນລາມິນ ແລະ ເພີ່ມຂີດຄວາມສາມາດໃນການລຳລຽງພົນ. ເຮືອໃໝ່ເຫຼົ່ານີ້ຄາດວ່າຈະຖືກສ້າງໃນ
ປະເທດ ລວມທັງອູ່ຕໍ່ເຮືອ PTPAL ອິນໂດ ໃນສຸຣາບາຍາຊະວາຕາເວັນອອກ. ການວາງແຜນໄລຍະຍາວ ແລະໄລຍະກາງຂອງກອງທັບເຮືອ ເນັ້ນ
ໄປໃສ່ການເສີມສ້າງຄວາມເຂັ້ມແຂງໃຫ້ກັບກອງເຮືອລຳລຽງ ໂດຍມີເຮືອຫຼາຍລຳທີ່ຖືກສ້າງຂຶ້ນໃນປະເທດ.
ກອງທັບເຮືອອຳນວຍຄວາມສະດວກໃນການເຄື່ອນຍ້າຍກຳລັງພົນ ແລະ ອຸປະກອນສຳລັບປະຕິບັດການ ແລະ ສະໜັບສະໜູນຄວາມຕ້ອງການ
ດ້ານການຂົນສົ່ງ ເພື່ອການພັດທະນາປະເທດ. ນອກຈາກນີ້ ໂກລິນລາມິນ ຍັງວາງແຜນໂຄງການຕ່າງໆ ເພື່ອເສີມຄວາມເຂັ້ມແຂງໃຫ້ກັບກອງທັບ
ເຮືອລວມທັງເຮືອຮົບ ແລະ ສິ່ງອຳນວຍຄວາມສະດວກດ້ານການສະໜັບສະໝູນ.
ແຫຼ່ງທີ່ມາ: ໜັງສືພິມກອງທັບ
ວັນທີ 17/07/2024